A Feira Internacional de Silleda xa deu o seu pistoletazo de saída
Prolongarase ata o sábado con presenza de 320 marcas de once países.
Por Europa Press / Redacción | SANTIAGO DE COMPOSTELA | 09/02/2023 | Actualizada ás 19:40
O encontro de ferraxaría industrial Expoferr 2023 que arrincou este xoves dá inicio ao calendario de eventos da Feira Internacional Galicia Abanca da localidade pontevedresa de Silleda.
Este xoves, o vicepresidente segundo e conselleiro de Presidencia, Xustiza e Deportes, Diego Calvo, participou na inauguración desta feira, que se prolongará ata o sábado con presenza de 320 marcas de once países.
Alí, Calvo resaltou a importancia do recinto de Silleda, "un referente de Galicia que pechou 2022 con cifras marca en varias feiras", segundo recolle un comunicado. Expoferr abre o calendario de feiras no recinto de Silleda, que xa conta cunha decena de encontros pechados para este ano.
O próximo mes acollerá a Feira profesional de maquinaria, agricultura e gandaría Abanca Cimag-GrandAgro e o Salón internacional da industria acuícola AquaFuture Spain. En xuño será a quenda da tradicional Abanca Semana Verde, que suma 45 edicións, e a final de ano chegan ExpoBus Iberia e a segunda edición da feira de seguridade, defensa e emerxencias Sedexpo.
