Aumentan os hospitalizados con Covid e descenden lixeiramente os casos activos
Con todo, seguen por encima dos 700
Por Europa Press / Redacción | SANTIAGO DE COMPOSTELA | 11/02/2023 | Actualizada ás 11:24
Os casos activos de Covid-19 en Galicia descenderon lixeiramente este sábado, ao baixar ata os 713 (-9). O mesmo ocorreu cos contaxios rexistrados nas últimas 24 horas, que baixaron ata os 54 desde os 56 do venres. Por contra, os hospitalizados con Covid subiron ata os 142 --140 en planta (+8) e dúas en UCI (sen cambios)--.
Ademais, segundo o balance publicado polo Sergas esta mañá con datos solicitados ata as 18,00 horas deste venres, os pacientes curados do Coronavirus en Galicia son 689.299 desde que comezou a pandemia (+62) e os falecidos son 4.063, un en máis nas últimas 24 horas.
Por áreas sanitarias, lidera a relación de casos activos a área sanitaria de Santiago, con 139 casos (-8); seguida pola da Coruña, con 136 (-4); Lugo, con 123 (+5); Ourense, con 95 (+7); Vigo, con 80 (-7); Pontevedra, con 71 (+4); e Ferrol, con 68 (-6).
En canto aos hospitalizados, A Coruña é a área con máis pacientes, 34 (sen cambios); seguida pola de Lugo, con 27 (+3); Pontevedra, con 24 (+1); Santiago, con 18 (sen cambios); Ourense, con 17 --dos que 15 están planta (+3) e dúas en UCI (sen cambios)--; Ferrol, con 14 (+1); e Vigo, con oito (sen cambios).
Por último, a área de Ourense é a que máis contaxios nas últimas 24 horas rexistrou, 12; seguida pola de Lugo, con 11; a de Santiago, con nove; a da Coruña, con oito; a de Pontevedra, con seis; e a de Ferrol, con cinco.
