A Asociación Rapa das Bestas agradece o apoio de Sorogoyen nos Goya
Ecoloxistas en Acción recoñece as palabras do director e indica que é un apoio que "sen dúbida, vai máis aló dos montes Sabucedo".
Por E.P. | SANTIAGO DE COMPOSTELA | 13/02/2023 | Actualizada ás 18:11
A Asociación Rapa dás Bestas de Sabucedo agradeceu este luns as palabras Rodrigo Sorogoyen, galardoado co Premio Goya á Mellor dirección pola súa película 'As bestas", que quixo mostrar o seu apoio aos habitante de Sabucedo, ante a construción de catro parques eólicos na zona. "Enerxía eólica si, pero non así", afirmou.
O presidente da Asociación, Paulo Vicente Monteagudo, sinalou a Europa Press que "dalgunha maneira esperábase que fixese unha referencia a esta problemática", pero que "foi máis aló". Así, puntualizou que estas palabras "din moito del", xa que "podía expresar calquera outra cousa".
Deste xeito, Monteagudo reiterou a mensaxe de Sorogoyen e explicou "non están en contra das enerxías renovables", pero que "non se pode deixar que se faga todo de calquera xeito". Así, sinalou que "as empresas van máis rápido que as administracións" e que "non se pode chegar tarde".
Entre os parques eólicos que lles preocupan están Campos das Rosas e Tourián II-III, que teñen vía favorable e que están pendentes da autorización por parte da Consellería de Medio Ambiente. Así, indicou, que outros como Rosa dous ventos, atópanse en fases anteriores.
