Continúa a busca do home de 56 anos desaparecido en Padrón o 7 de febreiro

Continúa a procura coordinada por Garda Civil e Policía Xudicial do home de 56 anos desaparecido en Padrón desde o pasado 7 de febreiro.

Segundo a información facilitada por SOS Desaparecido e a Garda Civil, este home natural de Valga pero residente en Padrón falta do seu fogar desde fai máis dunha semana.

Trátase dun home de 56 anos que mide 1,60 de estatura. É de complexión normal e ten o pelo negro e curto e os ollos castaños. A descrición achegada por SOS Desaparecidos tamén apunta que o desaparecido ten unha cicatriz na orella e no peito.

Cándido Branco García, home de 56 anos desaparecido desde o 7 de febreiro en Padrón | Fonte: SOS DESPARECIDOS