Unha menor ferida despois de ser atropelada en Meaño

Unha menor resultou ferida este xoves en Meaño ao ser atropelada. Segundo informa o 112, un vehículo alcanzouna causándolle feridas na cadeira.

Os feitos producíronse no punto quilométrico 9 da PO-550. O 112 Galicia recibiu o aviso do accidente a través dos axentes da Garda Civil uns minutos antes das 16,30 horas desta tarde.

O 112 pediu a intervención de Urxencias Sanitarias de Galicia-061 e da Garda Civil de Tráfico.

Ademais, o persoal do 112 Galicia informou os feitos aos Bombeiros de Ribadumia, ao GES de Sanxenxo e ao servizo de mantemento da vía de circulación.

Ambulancia do 061. 061-GALICIA - Arquivo