'Coruña eFilm', unha plataforma gratuíta de 'streaming' con 10.000 películas e series
Será para os socios das bibliotecas municipais e contará cunha gran selección de obras galegas
Por Europa Press / Redacción | A Coruña | 13/03/2023 | Actualizada ás 16:58
A plataforma Coruña eFilm ofrecerá en streaming e de maneira gratuíta ata 10.000 películas, series e documentais aos socios das bibliotecas municipais, segundo informou a alcaldesa, Inés Rei, nun acto na Ágora.
Segundo expuxo, esta plataforma promovida polo consistorio "revolucionará o préstamo de películas e series nas nosas bibliotecas".
Ademais, explicou que o catálogo é amplo, contando cunha gran selección de obras galegas e en galego. Cada persoa usuaria poderá coller prestadas dúas películas ou dous capítulos de series á semana.
Coruña eFilm está dispoñible en todos os dispositivos a través da súa páxina web e adáptase a un teléfono, unha tablet ou unha televisión Smart TV.
