(Vídeo) Aparece unha planeadora de 12 metros envorcada na praia de Nemiña

Unha planeadora de 12 metros de eslora apareceu este xoves envorcada na praia de Nemiña, en Muxía. Segundo informaron fontes da Policía Local deste concello, a embarcación pode levar algún tempo abandonada e o forte temporal que se rexistra no mar puido levala á praia.

A planeadora mantén algún motor, aínda que perdeu outros polos envites do mar. De feito, este tipo de embarcacións son as que se utilizan para transportar a droga á terra desde un buque nodriza que está en alta mar. Pode ter capacidade para case 3.000 quilos de droga e catro motores de 300 cabalos de potencia.

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)