Controlado o incendio na parroquia de Untes dentro do Concello de Ourense

Os servizos de extinción lograron controlar un incendio forestal declarado na mañá deste venres na parroquia de Untes, no municipio de Ourense.

Segundo a Consellería do Medio Rural, o lume iniciouse ás 12,30 horas. Polo momento non hai medicións da superficie afectada.

Na zona traballaron dous axentes, tres brigadas, dúas motobombas e medios aéreos.

Camión de bombeiros | Fonte: EDIMA