Atropelo mortal na Pobra do Caramiñal

Un home morreu atropelado na madrugada deste venres na Pobra do Caramiñal. Segundo informa a Garda Civil, "atopabase tumbado no medio do carril sen ningunha prenda reflectante".

O incidente tivo lugar ás 00.22 horas no quilómetro 30,500 da AC 305 que vai de Ribeira a Padrón. O 061-Urxencias Sanitarias mobilizou ata o lugar unha ambulancia de soporte vital básico con persoal de Atención Primaria. Con todo, só puideron confirmar o falecemento deste home de 50 anos.