A Reserva de Biosfera Mariñas Coruñesas e Terras do Mandeo, destino 'Starlight' pola calidade do seu ceo
.
Por Europa Press / Redacción | A CORUÑA | 16/05/2023 | Actualizada ás 20:54
A Reserva de Biosfera Mariñas Coruñesas e Terras do Mandeo, que engloba a 17 municipios, xa conta co distintivo de Destino Turístico 'Starlight' pola calidade do ceo para a contemplación.
Trátase dunha distinción conseguida por estar protexida "da contaminación lumínica". Por iso, os ceos da zona son "especialmente aptos para desenvolver actividades turísticas" baseadas nestas actividades.
O presidente da Reserva, José Antonio Santiso, destacou que a oficialización da certificación "é especialmente relevante para o desenvolvemento económico e social do territorio". De feito, continuará na liña de reducir a contaminación lumínica a través do programa 'Educando na Biosfera'.
Así, adecuaranse espazos infrautilizados no territorio para dotalos de infraestrutura astroturística e crearanse experiencias nocturnas de divulgación que fortalecerán a oferta de aloxamentos, xunto con medidas para evitar unha excesiva luminosidade.
