Kepa Junkera volverá a Ortigueira
Será o vindeiro sábado 24 de xuño para presentar no Teatro de Beneficencia o seu documental e libro “Berpiztu”. Nestes traballos repasa a súa vida e carreira discográfica.
Por Galicia Confidencial | A Coruña | 24/05/2023 | Actualizada ás 09:00
O compositor, produtor e músico vasco Kepa Junkera volverá a Ortigueira o vindeiro sábado 24 de xuño para presentar no Teatro de Beneficencia o seu documental e libro “Berpiztu”. Traballos nos que repasa a súa vida e carreira discográfica.
Ángel Lozano, concelleiro do Festival, declarou “Kepa sempre estivo ligado a Ortigueira, en canto coñecimos o seu novo proxecto, converteuse nunha das nosas prioridades para este ano“.
FESTIVAL INTERNACIONAL DO MUNDO CELTA DE ORTIGUEIRA
Dous grupos locais, Os Carecos e Covagueira poñerán, xunto a Xabier Díaz, o broche de ouro ao Festival Internacional do Mundo Celta de Ortigueira 2023, que se celebrará do 9 ao 16 de xullo.
Coa incorporación destas formacións complétase a programación musical do escenario principal e do Teatro de Beneficencia, que contará coas actuacións de Algaire, Anxo Lorenzo e Eoghan Neff, A Banda das Crechas, Bagad Sonerien An Oriant, David Bellas, Elephant Sessions, Escola de Gaitas de Ortigueira, Felpeyu, Fetén Fetén con P. Pascual, Four Men and a Dog, Holiday Club, JDC, Le Vent du Nord, Mallou, Mec Lir, Peoples Ford Boghall & Bathgate Caledonia Pipe Band, Rubén Díaz, Rura, SonDeSeu, Startijenn, Talisk, Trikitrí, Xabier Díaz, Xisco Feijoó e Xurxo Fernandes.
