O arcebispo emérito de Santiago expresa o seu malestar sobre a nova pintada na Catedral

O arcebispo emérito e administrador apostólico de Santiago de Compostela, Julián Barrio, manifestou o seu malestar polas pintadas que apareceron na fachada oeste da Catedral de Santiago durante o pasado fin de semana, no que se celebraban as festas da Ascensión na capital galega.

O eclesiástico participou este mércores dunha conferencia de prensa de presentación da memoria do 2022 da organización católica Caritas Diocesana de Santiago de Compostela, onde expresou que "o patrimonio cultural hai que coidalo moitísimo e isto é responsabilidade de todos".

"A administración ten a súa parte, pero esta é unha realidade da que todos debemos sentirnos responsables. Temos que tratar de ir formando culturalmente ás persoas para evitar estes feitos", engadiu o prelado. A pintada foi atopada o sábado sobre a pedra da fachada do palacio arcebispal. A mesma, foi cuberta o mesmo día pola mañá ata que se analice que pintura foi empregada e déanlle un tratamento correcto para que non dane a pedra.

Conferencia de prensa de Caritas, da Dioscesana de Santiago de Compostela, para a presentacón da memoria do 2022. NGC | Fonte: Europa Press