A Xunta di que a educación galega é "a máis equitativa" do Estado
Di que incrementou ata os 60 millóns de euros nos fondos destinados á protección de menores en situación de risco ou desamparo.
Por Europa Press / Redacción | SANTIAGO DE COMPOSTELA | 31/05/2023 | Actualizada ás 14:16
O conselleiro de Cultura, Educación, Formación Profesional e Universidades, Román Rodríguez, asegurou este mércores durante o Pleno do Parlamento que a educación galega é "a máis equitativa", polo que defendeu as medidas autonómicas en favor da distribución de recursos fronte ao "café para todos" do Goberno de Pedro Sánchez.
En resposta a unha interpelación exposta polo grupo socialista e formulada por Noelia Otero, o conselleiro explicou que a Xunta continuará apoiando ás familias no inicio do próximo curso escolar con máis ayduas para facer fronte á inflación. Concretamente, Román Rodríguez sinalou que o Consello da Xunta xa autorizou diversas medidas respecto diso, en relación coa compra de libros e material escolar, cos servizos complementarios de comedor e transporte e cos prezos de matrículas nas universidades públicas galegas.
Entre as novas medidas está a subida das axudas á compra de libros e a extensión do vale de 75 euros para material escolar para familias de rendas baixas. "Ademais, por primeira vez, 60 euros para todas as familias con renda ata 10.000 euros per cápita", apuntou.
Precisamente o abandono escolar foi un dos puntos afeados pola deputada socialista, que apuntou que en 2023 aumentou case un 10% cando levaba anos estancado. Noelia Otero achacouno ao empeoramento da situación socioeconómica dos menores e as súas familias, pola que a Xunta, censurou, "non fixo nada".
AXUDAS MENORES EN RISCO
Por outra banda, a conselleira de Política Social, Fabiola García, reivindicou este mércores durante o pleno do Parlamento o incremento ata os 60 millóns de euros nos fondos destinados á protección de menores en situación de risco ou desamparo.
Fíxoo en resposta a unha interpelación do grupo socialista, formulada pola deputada Marina Ortega que criticou a falta de recursos e de persoal nos equipos técnicos de menores. "Están infradotados, carecen de persoal suficiente para atender a loes menores galegos nesta situación", afirmou.
A conselleira, pola súa banda, considera que o PSdeG está "falto de ideas, esgotado e desconectado dos galegos" ao expor "unha e outra vez a mesma pregunta".
