Xa hai datas para o WOS Festival en Santiago de Compostela
Un número limitado de abonos xa están á venda na páxina oficial do festival e os primeiros nomes do cartel rebelaranos en xullo
Por E.P. | SANTIAGO DE COMPOSTELA | 29/06/2023 | Actualizada ás 17:53
A sétima edición do WOS Festival celebrarase en Santiago de Compostela do 14 ao 17 de setembro con música, cinema, conferencias e cultura dixital en espazos emblemáticos da cidade.
Segundo informou a organización, desde este xoves atópanse á venda, a través da páxina web oficial do festival, un número limitado de abonos de catro días a un prezo de 55 euros, que ofrece un desconto de 10 euros respecto ao abono de prezo normal.
Estes abonos de catro días dará acceso ao programa completo do festival. Ademais, pódense adquirir os abonos de tres días a un prezo de 45 euros, cun desconto de 10 euros e que darán acceso completo ao evento o venres, sábado e domingo. A organización avanzou que os primeiros nomes do cartel revelaranos no mes de xullo.
