Case 90.000 persoas en Galicia faltan de media ao traballo a diario
Por E.P. | SANTIAGO DE COMPOSTELA | 25/07/2023 | Actualizada ás 18:07
Un total de 80.817 galegos faltan de media ao seu traballo a diario, dos cales 66.004 fano con baixa médica e 14.813 sen causa xustificada, segundo datos do Randstad Research do primeiro trimestre de 2023.
A taxa de absentismo sitúase na comunidade no 7,3%, un punto superior á media nacional (6,3%), de forma que é a segunda comunidade autónoma con maior taxa de absentismo por detrás de Euskadi.
O absentismo laboral supón que en España se perda o 6,3% do total das horas pactadas, incrementándose dúas décimas con respecto ao tres últimos meses. Pola súa banda, o absentismo non debido a incapacidades temporais, é dicir, o non xustificado, tivo unha taxa do 1,5%, o mesmo porcentaxe que o pasado trimestre.
