Un 'Festaclown' máis internacional que nunca en Vilagarcía: 23 espectáculos entre os que hai compañías africanas e brasileiras
Todos os espectáculos serán gratuítos e aire libre e desenvolveranse entre os días 10 e 15 de agosto, no marco das festas patronais de San Roque.
Por Europa Press / Redacción | PONTEVEDRA | 02/08/2023 | Actualizada ás 16:57
O 'Festaclown' do municipio pontevedrés de Vilagarcía de Arousa acollerá 23 espectáculos, gratuítos e ao aire libre, de compañías galegas, internacionais e nacionais con actuacións. Así, estes espectáculos terán lugar entre os días 10 e 15 de agosto cando na localidade se celebran as festas patronais de San Roque e o mércores, 16, terá lugar a 'Festa da auga'.
Segundo informou o Concello, a presentación do evento celebrouse este mércores en Vilagarcía e participaron o alcalde, Alberto Varela, o portavoz de Culturactiva e director do Festaclown, Nacho Fungueiriño, o director da Axencia Galega das Industrias Culturais, Jacobo Sutil, e a concelleira de Cultura, Sonia Outón.
Desta forma, algunha das compañías galegas que participarán neste festival serán: SU-Ma con 'Glamping'; Sempre Arriba con 'Hoxe si'; Psicore con 'Moito Barroco'; ou o Mago Teto con 'Rock&Magic'. No ámbito internacional contarán, por primeira vez no festival, coa compañía africana Kine Circus co seu espectáculo 'Greed'. Ademais, estarán os brasileiros Circo No Ato e Leo Bassi, que será o encargado de pór en escena '70', a conmemoración do seu 70 aniversario.
Así mesmo, o consistorio municipal explicou que como mostra do "novo circo" que se realiza en España contarán coa actuación da compañía valenciana La Finestra Nou Circ, e de grupos do País Vasco, Madrid e Andalucía.
