Unha persoa queda atrapada nun vehículo tras un accidente de tráfico en Vilaboa e outra debaixo dun coche sen freos en Barbadás
Ambos recibiron asistencia médica.
Por Europa Press / Redacción | PONTEVEDRA | 22/08/2023 | Actualizada ás 19:31
Unha colisión entre dous turismos rexistrada este martes en Vilaboa saldouse cunha persoa ferida e atrapada nun dos vehículos. Segundo a información do CIAE 112-Galicia, o accidente tivo lugar pouco antes das 16.00 horas nun cruzamento en San Roque do Monte, en San Miguel de Deiro, onde chocaron dous vehículos.
No interior dun dos vehículos implicados no accidente había unha persoa atrapada, polo que foi necesaria a intervención dos bombeiros de Vilagarcía e de Ribadumia. Unha vez fóra do coche, a persoa ferida recibiu os primeiros coidados por parte dos profesionais de Urxencias Sanitarias de Galicia-061 para un posterior traslado ao centro hospitalario de referencia.
COCHE SEN FREOS
Por outra banda, en Barbadás un coche sen freos atrapou unha perna a unha persoa. Foi ás 16.30 horas deste martes, na Rúa de Valdoviño. No operativo, bastou a intervención dos membros do Servizo Municipal de Protección Civil para liberar á afectada, que rexeitou a asistencia médica.
