A Deputación quere "converter a Pontevedra "na cidade da cultura"
O organismo provincial convoca a Comisión de seguimento de Santa Clara.
Por Europa Press / Redacción | SANTIAGO DE COMPOSTELA | 28/08/2023 | Actualizada ás 14:07
O vicepresidente segundo da Deputación de Pontevedra, Rafa Domínguez, anunciou a convocatoria dunha Comisión de seguimento de Santa Clara para "converter a Pontevedra na cidade da cultura".
Rafa Domínguez compareceu este luns en rolda de prensa para informar desta decisión que adopta dentro do ámbito das súas competencias. Ademais da Vicepresidencia, é o deputado responsable de Economía, Impulso ao Emprego, Museo Provincial e Convento de Santa Clara.
O vicepresidente segundo expresou o seu desexo de "establecer liñas de acordo co Concello de Pontevedra" e impulsar ese proxecto de rehabilitación, xa que teñen "claro o camiño a seguir, que forma parte dunha estratexia global fundamental, que ten por fin converter Pontevedra na cidade da cultura".
Domínguez enmarcou esta medida no "cambio de paradigma na forma de facer política na Deputación con respecto aos últimos anos". Neste sentido, o vicepresidente provincial indicou que queren "buscar a colaboración entre institucións" e lembrou que "están implicadas en Santa Clara administracións de distintas cores políticas, o que pode xerar discrepancias". "Pero garántolles que polo ben de Pontevedra comprométome a traballar con sinceridade e lealdade institucional", afirmou.
