Flora Pérez Marcote, a muller de Amancio Ortega, dirixará a súa fundación
A filla, Marta Ortega, ocupará a vicepresidencia.
Por Europa Press / Redacción | SANTIAGO DE COMPOSTELA | 28/08/2023 | Actualizada ás 21:15
Amancio Ortega, fundador e presidente da Fundación Amancio Ortega, designou como nova presidenta da entidade a súa actual muller, Flora Pérez Marcote, que ata agora ocupaba a vicepresidencia.
Amancio Ortega continuará formando parte do Padroado, segundo informa a fundación nun comunicado de prensa. Desde a súa constitución en 2001, Flora Pérez Marcote, segundo destaca, desempeñou "un intenso labor" vinculado coa posta en marcha e o desenvolvemento dos seus programas, fundamentalmente na área social, así como a representación institucional da entidade.
En substitución de Flora Pérez Marcote no cargo de vicepresidenta primeira, o padroado decidiu o nomeamento de Marta Ortega Pérez, quen xa formaba parte do padroado da fundación desde 2015.
