Treboadas localmente fortes porán en aviso este venres a gran parte do interior galego

Gran parte do interior de Galicia estará durante toda a tarde deste venres en aviso amarelo por treboadas localmente fortes, segundo as predicións de Meteogalicia.

A alerta estará activa a partir das 15.00 horas do venres no interior e noroeste da provincia da Coruña, o interior de Pontevedra, o noroeste e a zona do Miño de Ourense e todo Lugo salvo a comarca da Mariña.

O aviso manterase ao longo de toda a tarde ata a madrugada. De face ao sábado espéranse choivas en toda a comunidade pero con probabilidade de treboada unicamente no interior de Pontevedra e o Miño ourensán.

Vexetación na comarca da Limia, a 6 de xuño de 2023, na Limia, Ourense | Fonte: Agostime - Europa Press - Arquivo