Dous menores e a súa avoa resultan feridos nun accidente de tráfico en Moraña

Dous nenos de catro anos e a súa avoa, de 65 anos, resultaron feridos na tarde deste xoves ao saírse da vía o vehículo no que viaxaban en Moraña. Segundo informaron fontes do operativo de emerxencias, o suceso tivo lugar pasadas as 19.00 horas na estrada que une Moraña e Barro.

Estas fontes explican que a muller perdeu o control do vehículo e saíuse da vía, o que provocou que o coche caese por un pequeno desnivel. Os tres ocupantes quedaron atrapados no vehículo pero, unha vez chegados os servizos de emerxencia e tras romper o portelo do coche, puideron saír polo seu propio pé. Ao lugar acudiron efectivos de Protección Civil de Cuntis e os servizos sanitarios, que trasladaron aos feridos ao hospital.

Sala de operacións 112 Galicia | Fonte: XUNTA - Arquivo