Sumar Galicia acusa a Rueda de estar "lonxe da realidade" despois de oír o seu discurso

Sumar Galicia cualificou de "disparate lonxe da realidade" o discurso co que o presidente da Xunta, Alfonso Rueda, abriu o Debate sobre o estado da autonomía, no que aprecian que o mandatario tentou "tapar" con "promesas" a "incapacidade" demostrada polos gobernos do PP "estes anos".

Nun comunicado emitido tras a apertura do debate anual de política xeral do Parlamento de Galicia --onde a formación que lidera Yolanda Díaz carece de representación--, a deputada de Sumar Galicia no Congreso Verónica Martínez Barbeiro incidiu en que a intervención de Rueda mostra que o seu goberno está "sen rumbo político" e "funciona por inercia".

Para a parlamentaria por Pontevedra, Rueda "debería haber falando" no seu discurso dos "problemas reais" da cidadanía galega como o "colapso" da atención primaria e sentenciou que nin os "anuncios efectistas" nin "a rebaixa de impostos" van convencer  "á maioría dos galegos".

"Rueda perderá as próximas eleccións como as perdeu (Alberto Núñez) Feijóo no Estado, xa que este país precisa un goberno á altura da súa xente", aseverou Martínez Barbeiro, que subliñou que Galicia "necesita políticas útiles e un novo estilo de goberno" que estea centrado "no emprego de calidade, a vivenda e uns servizos públicos fortes".

A exdirectora xeral de Traballo e cabeza de lista por Sumar en Pontevedra, Verónica Martínez Barbeiro, intervén durante un acto político ?A España que merecemos? con motivo das próximas eleccións xerais do 23, en Espazo Rastro, a 18 de xuño. Gustavo Valente - Europa Press | Fonte: Europa Press