Ferido un motorista ao chocar contra un turismo en Ourense

Un motorista resultou ferido despois de chocar coa súa moto contra un turismo na rúa Ponche de Sevilla, na cidade de Ourense, á altura do número 18. Segundo trasladou o 112 Galicia, un particular púxose en contacto coa central de emerxencias pouco despois das 12,00 horas para solicitar asistencia urxente para o motorista.

Con esta información, os operadores do 112 deron aviso aos profesionais do Servizo de Urxencias Sanitarias de Galicia-061, á Policía Local e aos Bombeiros de Ourense.

Colisión frontal entre dous vehículos. | Fonte: 112 Galicia.. 112 GALICIA