A Xunta mantén o seu apoio aos palestinos refuxiados a través de UNRWA España

O director xeral de Relacións Exteriores e coa UE, Jesús Gamallo, recibiu este luns á directora en España da Axencia das Nacións Unidas para os Refuxiados Palestinos, Raquel Martí, á que trasladou a colaboración da Xunta en apoio a esta poboación.

Diso informou este luns a Xunta nun comunicado, no que explica que, neste encontro, Gamallo, coñeceu de primeira man a situación humanitaria que vive a poboación palestina refuxiada na Franxa de Gaza.

O Executivo autonómico destacou que mantén a colaboración con UNRWA España en apoio á seguridade alimentaria, á saúde e á educación da poboación palestina. Nesta liña, Gamallo comprometeuse a seguir apoiando á poboación refuxiada palestina a través do financiamento de proxectos de axuda humanitaria que serán instrumentados fundamentalmente a través de convenios de colaboración con UNRWA España.

O director xeral de Relacións Exteriores e coa UE, Jesús Gamallo, recibiu este luns á directora en España da Axencia das Nacións Unidas para os Refuxiados Palestinos | Fonte: Raquel Mart. XUNTA