A Fegamp non se opón a fusións voluntarias entre concellos

A Federación Galega de Municipios e Provincias (Fegamp) avoga por "vías de coordinación" na xestión de servizos comúns entre concellos, aínda que non se opón a fusións voluntarias de municipios no caso de existir o interese por parte dalgúns deles. Así o manifestaron, consultados por Europa Press, en relación á posibilidade exposta a este respecto desde a Administración galega. "Nunca houbo oposición ou posición contraria", precisaron.

En relación a esta cuestión, dixeron que "se está pendente dos datos e conclusións do informe encargado pola Xunta á Fundación Juana de Vega sobre fusión voluntaria de concellos, así como do anuncio do congreso que tamén sobre este tema anuncia a Xunta que se vai a celebrar antes do verán".

Ademais, aseveraron que na Federación "non recibiu de ningún concello vontade ou interese de fusión con outros". "E sendo os procesos de fusión promovidos de maneira voluntaria, e non forzosa, entre os concellos interesados, desde a Fegamp nunca houbo oposición ou posición contraria".

O presidente da Fegamp, Alberto Varela | Fonte: Europa Press - Arquivo