Ferido o condutor dun camión tras saírse da vía na A-52 ao seu paso por Ponteareas

O condutor dun camión resultou ferido tras saírse da vía na A-52, en dirección O Porriño, ao seu paso polo municipio pontevedrés de Ponteareas. Segundo informou o 112, foron varios os particulares que minutos despois das 16,00 horas deste venres deron a voz de alarma e indicaron que o home podía estar atrapado.

Así, a central de emerxencias deu aviso Urxencias Sanitarias de Galciia-061, ao GES de Ponteareas, a Protección Civil de Ponteareas, á Policía Local, á Garda Civil e aos Bombeiros de Vigo.Unha vez no punto, o GES informou de que o home non estaba atrapado e que fora trasladado ao hospital.

Sala de operacións 112 Galicia | Fonte: XUNTA - Arquivo