Un incendio queima 2,5 hectáreas do parque natural das Fragas do Eume
O lume foi xa extinguido. Hai outro incendio en Guitiriz que afecta a case 10 hectáreas.
Por Europa Press / Redacción | SANTIAGO DE COMPOSTELA | 21/04/2024 | Actualizada ás 17:44
A Consellería do Medio Rural informou de que foi extinguido o incendio forestal que permanecía activo no municipio coruñés de Cabanas e que afectou a 2,4 hectáreas de superficie dentro do Parque Natural Fragas do Eume.
O lume iniciouse pouco despois das 13.00 horas deste pasado domingo e sobre as 20.00 horas deuse por finalizado, afectando a preto de 2,4 hectáreas. En total, mobilizáronse para a súa extinción un técnico, catro axentes, 11 brigadas, cinco motobombas, dous avións e tres helicópteros. Segundo fontes da Xunta, o lume iniciouse ás 13,03 na parroquia de Soaserra.
A Consellería lembra que está a disposición da cidadanía o número de teléfono gratuíto 085, ao que deben chamar en caso de detectar algún incendio forestal. Ademais, existe un teléfono anónimo e gratuíto para denunciar calquera actividade delictuosa incendiaria da que se teña sospeita ou coñecemento: 900 815 085.
GUTIRIZ
Por outra banda, un incendio forestal orixinado este domingo no municipio lucense de Guitiriz quedou estabilizado ás 19,22 horas, cunha afectación dun nove hectáreas calcinadas.
