Quebracabezas para promocionar a Semana Santa de Ferrol
Son cinco modelos diferentes que se entregasen ao realizar compras nos establecementos de ACOF
Por Europa Press / Redacción | SANTIAGO DE COMPOSTELA | 09/04/2025 | Actualizada ás 16:55
Os comerciantes de Ferrol asociados o Centro Comercial Aberto Ferrol-A Magdalena (ACOF) regalarán ata 1.300 quebracabezas para promocionar a Semana Santa, con cinco modelos diferentes que se entregarán aos clientes cando realicen as súas compras nos establecementos adheridos.
O Concello, a través da área de Promoción Económica, colaborou economicamente, "achegando ata o 80% de custo, para facer posible este proxecto", detallou o concelleiro de Promoción Económica, Díaz Moquera, que incidiu en que "os quebracabezas contan con imaxes do cinco confrarías que compoñen a Semana Santa", como son Dolores, As Angustias, A Mercé, o Santo Enterro e A Mercé, que foron cedidas pola Xunta Xeral de Confrarías e realizadas por Roberto Marín.
Pola súa banda, Olegario Álvarez trasladou que "a Semana Santa é un motor económico importante para Ferrol" polo que queren "seguir promovendo iniciativas que enriquezan tanto o seu significado relixioso como o seu impacto na cidade".
