Falece Ramón Seijas, vicepresidente do Grupo Pérez Rumbao
Por Europa Press / Redacción | SANTIAGO DE COMPOSTELA | 20/04/2025 | Actualizada ás 17:58
O empresario Ramón Seijas, vicepresidente do Grupo Pérez Rumbao --dedicado á automoción-- e presidente da Asociación de Concesionarios de Automóbiles de Ourense (Acauto), faleceu este domingo aos 53 anos.
Nunha publicación na rede social X, a Deputación de Ourense transmitiu " a súa máis profundo pesar" e as súas condolencias á familia e amigos do falecido. Así mesmo, a Zona Franca de Vigo enviou as súas condolencias e "todo o seu agarimo" aos compañeiros de Ramón Seijas dentro do Grupo Pérez Rumbao.
"Desde o Grupo Municipal Popular queremos expresar o noso máis sentido pésame polo falecemento de Ramón Seijas, vicepresidente do Grupo Pérez Rumbao e presidente da Asociación de Concesionarios de Automóbiles de Ourense, Acauto", comunicaron os populares ourensáns a través de X.
