Encontran morto a un home nunha praia de Carballo
Fontes próximas á investigación informan de que a morte apunta a un afogamento, aínda que haberá que esperar á autopsia para determinar a causa
Por Europa Press / Redacción | SANTIAGO DE COMPOSTELA | 08/05/2024 | Actualizada ás 18:26
Un home foi atopado falecido este mércores na praia da Pedra do Sal, no municipio coruñés de Carballo.
Segundo informa o 112 Galicia a Europa Press, ás 15,10 horas recibiuse aviso dun particular de que había un corpo flotando na auga, aínda que finalmente foi recuperado da area polos servizos de emerxencias.
Así, foron avisados Urxencias Sanitarias de Galicia-061, Salvamento Marítimo, Gardacostas , Garda Civil e Protección Civil de Carballo.
Fontes próximas á investigación informan a Europa Press de que a morte apunta a un afogamento, aínda que haberá que esperar á autopsia para determinar a causa. O forense ordenou o levantamento do cadáver.
