Operación Penlas: intervidas 64 plantas de marihuana, cocaína, MDMA e varias armas en Ordes
Por Europa Press / Redacción | SANTIAGO DE COMPOSTELA | 09/05/2024 | Actualizada ás 10:00
Axentes da Garda Civil detiveron a un veciño de Ordes como presunto autor dun delito de cultivo e elaboración de drogas tóxicas, e outro de defraudación de fluído eléctrico, segundo informaron fontes da Comandancia.
Así, no marco da Operación Penelas, levada a cabo pola Garda Civil de Ordes e o Equipo ROCA de Santiago, identificouse este home e realizouse un rexistro no seu domicilio, autorizado polo xulgado de instrución 2 de Ordes.
No rexistro interviñéronse 64 plantas de marihuana de diferentes tamaños, 300 gramos de marihuana listos para a venda, tres balanzas de precisión, e pequenas cantidades de cocaína e MDMA. Ademais, atopáronse dúas armas longas e unha curta, todas de aire comprimido.
Os axentes atoparon no domicilio dous habitáculos dedicados ao cultivo de marihuana, equipados con sistemas de iluminación, ventilación e rega. O investigado manipulara ilegalmente a conexión eléctrica da vivenda, e estase investigando a cantidade total defraudada á compañía eléctrica.
