Ferido un ciclista en Oia tras ser atropelado por un coche que continuou a súa marcha

Un ciclista resultou ferido no concello pontevedrés de Oia tras ser atropelado, na PO-552, por un vehículo que continuou a súa marcha sen deterse. Segundo informaron fontes do 112, o suceso produciuse ás 10.00 horas deste domingo no quilómetro 25 da vía e o ciclista quedou tendido no chan. Ata o punto desprazáronse os profesionais de Urxencias Sanitarias de Galicia-061 e os axentes da Garda Civil de Tráfico.

Ambulancias do 061 | Fonte: XUNTA - Arquivo