Feridas dúas persoas despois dunha colisión entre catro vehículos na A-52 en Barbadás

Dúas persoas resultaron feridas na tarde deste mércores nunha colisión en cadea con catro vehículos implicados na autovía A-52, á altura do quilómetro 225,2, no termo municipal de Barbadás.

Segundo informou a Garda Civil, o accidente tivo lugar ás 19,00 horas nunha zona de obras da autovía, sentido O Porriño. Os vehículos xa foron retirados ao carril que se atopa pechado á circulación.

Ao lugar acudiu a Garda Civil de Tráfico de Ourense, os servizos de Urxencias Médicas 061 e Protección Civil de Barbadás.

Garda Civil Tráfico | Fonte: GARDA CIVIL DE TRÁFICO