O PP gaña pola mínima, o PSOE aguanta e o BNG terá escano en Europa

O PP é o gañador destas eleccións europeas pero a súa vitoria non é a que agardaba o seu líder, Alberto Núñez Feijóo. Ten nove escanos máis que hai cinco anos, pero non consegue despegarse do PSOE que aguanta e queda con 20 eurodeputados, un menos que no 2019. 

Pola súa banda, a coalición Agora Repúblicas, na que ía o BNG, xunto con ERC e Bildu, mantén os resultados de hai cinco anos e terá tres eurodeputados, o terceiro deles para Ana Miranda, do Bloque.