Os galegos gastarán case 1.400 euros nas vacacións de verán, un 5% máis que o pasado ano

O gasto medio previsto polos galegos para as vacacións deste verán aumenta un 5%, ata alcanzar os 1.391 euros, fronte os 1.328 euros do ano anterior, segundo o Observatorio Cetelem.

Segundo o estudo, realizado a partir de mil enquisas en liña en todo o Estado entre maiores de 18 anos, o gasto previsto polos galegos nas vacacións de verán supera á media do Estado, que se sitúa nos 1.307 euros. O 46% dos enquisados ten intención de gastar menos que o ano pasado, mentres que o 41% realizará o mesmo desembolso e tan só un 13% manifesta ter intención de gastar máis.

As actividades que máis declaran os enquisados que realizarán serán saír de restaurantes (66%), ir de compras (33%) e viaxar por España aloxándose en hoteis e apartamentos (36%). Cetelem é especialista en crédito ao consumo, préstamos persoais e xestión de cartóns. Opera en España desde 1988, onde conta actualmente con máis de 1.500 empregados e 3,5 millóns de clientes.

Imaxe aérea da praia de Panxón, en Nigrán | Fonte: Agostime