Multa de 500 euros por facer o teórico de conducir cun auricular e unha cámara oculta no Barco de Valdeorras

Un home acudiu este mércores ao exame teórico para obter o carné de conducir no Barco de Valdeorras cunha cámara escondida na súa vestimenta e un auricular para recibir as respostas ás preguntas. A Garda Civil de Tráfico propúxoo para sanción e agora enfróntase a unha multa de 500 euros. Segundo informa o Subsector de Tráfico, o home é residente en Tarragona e de nacionalidade paquistaní.

Unha vez interceptado, os axentes procederon a tomarlle declaración e a realizar un informe dos dispositivos utilizados. O aspirante foi declarado 'non apto' na proba teórica de conducir do permiso B e proposto para expediente sancionador por infracción á Lei de Tráfico. Desta forma, o home enfróntase a unha infracción moi grave de 500 euros e sanción de seis meses sen poder presentarse de novo ao exame en toda España.