Ampliado ata final de ano o prazo de solicitudes de axudas para a compra de vehículos eléctricos

A Xunta amplía ata finais de ano o prazo de solicitude do programa Moves III de axudas para incentivar a compra de vehículos eléctricos, Desde que se abriu a convocatoria en 2021, rexistráronse 9.700 solicitudes, das que a Administración autonómica leva resoltas máis do 80%, 7.405, por importe de 32,7 millóns de euros, o que supón un investimento mobilizado superior aos 210 millóns.

Desas solicitudes de axuda, 5.269 foron para comprar un vehículo eléctrico (máis de 22 millóns) e 2.136 para a instalación de puntos de recarga (máis de 10 millóns). Están a rexistrarse unha media de 270 por mes.

Segundo explica a Consellería de Economía e Industria nun comunicado, ante esta demanda o Instituto Enerxético de Galicia solicitou ao Instituto para a Diversificación e o Aforro da Enerxía (Idae), dependente do Ministerio para a Transición Ecolóxica e o Reto Demográfico, dúas ampliacións do crédito inicial, polo que o orzamento total do Moves III asignado a Galicia ascende neste momento a 50,2 millóns.

O obxectivo deste programa é impulsar a mobilidade eléctrica e sustentable entre particulares, empresas e sector público, polo que se incentiva a compra de vehículos eficientes e reforzando a implantación de infraestruturas de recarga.

Recarga de coche eléctrico. XUNTA | Fonte: Europa Press