Sáese da estrada, choca contra unha casa e envorca o coche en Meaño
Segundo informou o CIAE 112-Galicia, eran as 2.30 horas da madrugada cando se recibiu o aviso por un accidente de tráfico na estrada PO-550, ao seu paso pola parroquia de Coirón.
Por Europa Press / Redacción | PONTEVEDRA | 07/08/2024 | Actualizada ás 10:41
Unha muller resultou ferida na madrugada deste mércores tras saírse da vía co vehículo que conducía e chocar contra unha casa, un suceso que tivo lugar na localidade pontevedresa de Meaño. Segundo informou o CIAE 112-Galicia, eran as 2.30 horas da madrugada cando se recibiu o aviso por un accidente de tráfico na estrada PO-550, ao seu paso pola parroquia de Coirón.
No suceso había só un vehículo implicado, que se saíu da vía e encaixouse contra unha casa, quedando despois completamente envorcado. A persoa que ía no interior estaba atrapada, polo que foi necesaria a intervención dos Bombeiros do Salnés e dos membros do GES de Sanxenxo. Tras ser liberada do vehículo, a vítima foi evacuada por unha dotación de Urxencias Sanitarias de Galicia-061 ao centro hospitalario de referencia. No operativo tamén colaboraron os axentes da Garda Civil de Tráfico.
