Deputación da Coruña e Liga Reumatolóxica colaborarán en accións sobre unha doenza que afecta ao 20% da poboación
Por E.P. | SANTIAGO DE COMPOSTELA | 27/08/2024 | Actualizada ás 14:44
O presidente da Deputación da Coruña, Valentín González Formoso, mantivo unha reunión coa directiva da liga Reumatolóxica Galega para analizar as diferentes liñas de traballo que impulsa esta entidade na prevención, tratamento e rehabilitación das persoas con enfermidades reumáticas e musculoesqueléticas que afectan "a máis dun 20% da poboación galega".
Segundo informa o organismo provincial, no encontro participaron tamén, entre outros, a deputada de Política Social, Educación e Mocidade, Mar García Vidal, e a presidenta da asociación, Ana Isabel Vázquez Lojo. No mesmo, explica, abordaron as accións de información e sensibilización social sobre estas enfermidades, que contribúen a unha detección máis precoz.
A asociación conta cun equipo multidisciplinar composto, entre outros, por terapeuta ocupacional, psicólogo, reumatólogo, logopeda para atender as necesidades dos seus usuarios e usuarias.
