Rueda desexa "sorte" aos universitarios que empezan o primeiro curso con matrícula gratis
"Esta medida implica que toda a educación pública en Galicia, desde os máis pequenos, en infantil, ata os universitarios vai ser gratis", enxalzou o presidente da Xunta.
Por Europa Press / Redacción | SANTIAGO DE COMPOSTELA | 08/09/2024 | Actualizada ás 12:11
O presidente da Xunta, Alfonso Rueda, desexou "sorte e ánimo" a todos aqueles estudantes que este luns comezan a universidade e lembroulles que este curso "será especial", ao ser o primeiro que conta coa matrícula gratuíta. Nun vídeo, sentado nunha aula da facultade de Dereito onde el estudou "fai xa uns cuantos anos, máis dos que lle gustaría", Rueda lembrou que Galicia será a primeira comunidade en aplicar esa gratuidade.
"Esta medida implica que toda a educación pública en Galicia, desde os máis pequenos, en infantil, ata os universitarios vai ser gratis", enxalzou Rueda. Por iso, congratulouse ao sinalar que "esta é Galicia e o seu estilo de facer as cousas" e enxalzou que a comunidade está "á cabeza" tamén coa aplicación deste tipo de medidas. O presidente galego aconsellou aos universitarios que "estuden", pero tamén que vivan a vida universitaria xa que "forma parte da educación". "Non esqueceredes esta etapa xamais, dígovolo por experiencia", esgrimiu.
A partir de mañá comeza o curso nas facultades cunha novidade importante que aquí vos lembro. Sorte, ánimo... e gozade tamén da vida universitaria pic.twitter.com/rOGd0ZYRE8
— Alfonso Rueda (@AlfonsoRuedaGal) September 8, 2024
