Restablecido o tráfico de trens entre Vilagarcía e Santiago tras ser arroiado un home
O home, que resultou falecido, viuse implicado previamente nun accidente de tractor, con outra persoa ferida.
Por Europa Press / Redacción | Santiago de Compostela | 14/09/2024 | Actualizada ás 10:40
A circulación de trens entre Vilagarcía e Santiago de Compostela restableceuse tras as incidencias provocadas tras ser arroiado un home, que resultou falecido, nunha zona de paso non autorizado situado entre a estación ferroviaria da Escravitude e Padrón.
O suceso provocou que Renfe desviase a circulación dos convois rexionais que cobren a ruta entre Vilagarcía e Santiago pola liña de altas prestacións para manter o tráfico ferrovario. En concreto, conforme informaron a Europa Press fontes do 112, a incidencia tivo lugar ás 16:30 horas e ao momento desprazáronse os servizos sanitarios, os bombeiros de Boiro, a Garda Civil, a Policía Local e efectivos de Protección Civil.
Pola súa banda, fontes de Renfe precisaron que o suceso se produciu nunha zona de paso non autorizado pola que circulaba un tren rexional que cubría o servizo entre Vigo Guixar e A Coruña. Nun primeiro momento, o convoi mantívose detido no punto mentres traballaban os servizos de emerxencias no terreo, polo que Renfe informou os viaxeiros a bordo do tren e ás estacións afectadas da incidencia.
Ademais, para manter a circulación, desviouse a circulación dos seguintes trens rexionais pola vía de altas prestacións entre Vilagarcía e Santiago. Este feito, que implicou que non pendesen parar en estacións intermedias, motivou que o operativo incluíse un plan alternativo de transporte por estrada para os usuarios de Padrón, Pontecesures e Catoira.
Foi minutos antes das 18:30 horas cando as autoridades xudiciais deron luz verde ao convoi para desprazarse ata a estación da Escravitude, onde Renfe habilitou autobuses para trasladar aos viaxeiros que circulaban no tren aos seus lugares de destino.
Tras todo iso, a situación quedou normalizada pasadas as 20:00 horas, co tráfico ferroviario restablecido. Fontes consultadas por Europa Press han inforamdo de que o home que resultou falecido ao ser arroiado polo tren viuse implicado previamente nun accidente de tractor, con outra persoa ferida, ocorrido tamén no municipio de Padrón.
