Dous lumes activos na Gudiña arrasan máis de 180 hectáreas
Ao da parroquia de Pentes, que suma 150 hectáreas calcinadas, sumase un novo lume na parroquia de Barxa.
Por Europa Press / Redacción | OURENSE | 17/09/2024 | Actualizada ás 12:12
O municipio ourensán da Gudiña rexistra outro incendio máis aló do que arrasa 150 hectáreas na parroquia de Pentes --está estabilizado, pero sen controlar--, neste caso un lume activo na parroquia de Barxa.
Segundo informan fontes da Consellería do Medio Rural a Europa Press, este segundo incendio iniciouse na medianoite entre o luns e o martes en Barxa, o cal queima 20 hectáreas, segundo as estimacións provisionais.
Nas tarefas de extinción traballan cinco avións, seis helicópteros, 10 brigadas, sete axentes, cinco motobombas, unha pa e dous técnicos. Pola súa banda, o lume de Pentes, que alcanza as 150 hectáreas, iniciouse ás 13,18 horas do pasado luns. Está estabilizado desde a medianoite entre o luns e martes.
