Atopan nunha explotación gandeira a anciá desaparecida no Val do Dubra
Por Europa Press / Redacción | SANTIAGO DE COMPOSTELA | 20/09/2024 | Actualizada ás 10:12
Unha muller de avanzada idade que desapareceu o xoves pola tarde en Val do Dubra foi localizada.
Unha familiar comunicou, sobre as 23,20 horas do xoves, ao 112 Galicia a ausencia desta muller e indicou que non a vía desde as 15,00 horas. Finalmente, foi localizada por un traballador dunha explotación gandeira do mesmo municipio.
O 112 avisou á Garda Civil e ad a Agrupación de Voluntarios de Protección Civil de Val do Dubra, que despregaron un operativo de procura pola zona de Erviñou, en Arabexo, que se prolongou durante a madrugada.
No entanto, un operario dunha explotación gandeira acabou localizándoa nas instalacións onde traballa, en bo estado de saúde, polo que puido retornar ao seu domicilio.
