Atopan un arroaz morto en Vilanova de Arousa polo temporal

Unha femia de arroaz de avanzada idade e nai recente varou nas Sinas de Vilanova de Arousa onte á tardiña. O exemplar non puido superar o temporal, que esgotou as súas últimas forzas e deu co seu corpo inerte no areal. Alí estivo a Unidade Móbil da CEMMA esta mañá asistindo ao varamento e recollendo as mostras. Os expertos non descartan que nas próximas horas aparezan nos areais galegos máis mamíferos mariños varados polo temporal.

Arroaz atopado morto na praia de As Sinas, en Vilanova de Arousa. | Fonte: Charo Illa Natura.