Os traballadores de Maitours acusan á Xunta de "non actual de maneira correcta"

O delegado sindical a CIG da empresa de transportes de viaxeiros Maitours, Luís Taboada, pediron á Xunta a súa "implicación activa" para solucionar o conflito polo que levan en folga desde xullo e acusaron ao Executivo galego de "non actuar de maneira correcta".

Así o declarou este xoves ante o edificio administrativo da Xunta en Ferrol, onde se concentraron xunto con delegados do sindicato CIG, ao cumprirse máis de dous meses e medio en folga indefinida.

Neste sentido, criticaron que o Executivo galego, "unicamente interveu no conflito" para instaurar uns "servizos mínimos abusivos que privaron" aos traballadores de continuar co seu dereito a folga.

Ademais, lamentou que "non é normal que non se vexa por ningún lado" a súa actuación "en favor dos traballadores e sempre en favor da empresa", o que lle levou a asegurar que, "ás veces, pensan que hai unha convivencia entre os dous".

Alí, reclamaron que se lles aplique o convenio provincial do transporte, e "non o da súa antiga empresa", Tranvías do Ferrol, tras ser subrogados por en unha UTE da que forman parte Matiours e Intercar. Ademais, rexistraron un escrito dirixido á Dirección Xeral de Mobilidade da Xunta.

A folga comezou o 15 de xullo e segundo Taboada, actualmente, "seguen na mesma tesitura". Neste sentido, detallou que, hai unhas semanas, produciuse un encontro coa empresa que fixo unha proposta que "supuña a perda de diñeiro con respecto ao que vimos cobrando, entón iso non é unha proposta válida".

"Agora mesmo vemos que estamos a chegar xa ao tres meses en folga, loxicamente os compañeiros imos algo tocados, pero si é certo que seguimos unidos e iso dános forza", esgrimiu, á vez que incidiu en que a empresa tenta por todos os medios dividilos", pero "non o está conseguindo".