Estudantes retiran máis dunha tonelada de especies exóticas invasoras das dunas de Area da Cruz, no Grove

Máis de 60 estudantes de secundaria do IES As Bizocas do Grove retiraron máis dunha tonelada de especies exóticas invasoras das dunas de Area da Cruz. Os voluntarios formaron parte este venres do programa de voluntariado de Afundación que xa actuou, á finais da primavera pasada no marco de Plancto, retirando máis de 350 quilos. Os traballos na duna desenvolvéronse durante a mañá deste venres e, ao final da xornada foi máis dunha tonelada o que conseguiron retirar do lugar.

Estudantes durante a retirada de especies invasoras nas dunas do Grove | Fonte: Afundación