Aprobada por unanimidade no Congreso a Lei ELA

O Pleno do Congreso dos Deputados aprobou este xoves por unanimidade a proposición de Lei para mellorar a calidade de vida de persoas con Esclerose Lateral Amiotrófica e outras enfermidades ou procesos de alta complexidade e curso irreversible.

Todos os grupos votaron a favor desta Lei que agora se remite ao Senado para que continúe alí o seu percorrido parlamentario. En concreto, 344 deputados votaron a favor e non se rexistrado ningún voto en contra nin ningunha abstención.

Este texto expón unha serie de cambios lexislativos "orientados a garantir a mellor calidade de vida, a través da axilización dos trámites administrativos para o recoñecemento da discapacidade e a dependencia, nunha mellor atención integrada entre os sistemas de coidados sociais e sanitarios, das persoas afectadas".

O Pleno debateu o ditame aprobado a pasada semana pola Comisión de Dereitos Sociais e Consumo. O texto final chega despois de fusionar o tres normas que sobre esta enfermidade acordou tramitar o Congreso e que levan a firma de PSOE e Sumar, PP e Junts.

XUNTA: CHEGA TARDE

A Xunta aplaudiu a aprobación este xoves no Congreso da lei ELA a pesar de que considera que "chega tarde, con máis de tres anos de atraso, por culpa" do Goberno central, ao que demanda que achegue o financiamento necesario para o seu desenvolvemento.

Así o manifestou a conselleira de Política Social, Fabiola García, en declaracións aos medios nun acto en Vigo despois de que o Congreso dos Deputados dese luz verde definitiva á lei ELA.

Para García, trátase dun "día histórico" que "fai xustiza" coas persoas que sofren ELA e as súas familias, aínda que lamentou que chegue "tres anos tarde", do que responsabiliza ao Executivo estatal que preside Pedro Sánchez.

REDUCCIÓN TAXA MÁXIMA ALCOL EN SANGE CONDUCTORES

O Pleno do Congreso aprobou este xoves unha proposición non de lei do Grupo Parlamentario Socialista para reducir o límite da taxa máxima de alcol permitida a todos os condutores de vehículos, motorizados e non motorizados, a 0,2 g/l en sangue e 0,1 mg/l en aire expirado.

A proposta saíu adiante co apoio de PSOE, PNV, Esquerra Republicana e Sumar, e co voto en contra de VOX. En total, recibiu 175 votos a favor, 33 en contra e 138 abstencións do Partido Popular.

Na iniciativa os socialistas argumentan que o consumo de alcol supón "un dos principais factores de risco durante a condución de vehículos" e advirten de que, aínda que se produciron "enormes avances na concienciación", un 32,7% dos condutores falecidos en 2023 presentaba unha taxa de alcoholemia positiva, segundo o último informe do Instituto Nacional de Toxicoloxía e Ciencias Forenses, con datos dunha mostra de 862 condutores.

"O alcol afecta de maneira importante ás capacidades psicofísicas e os comportamentos: tempo de reacción, visión, percepción, coordinación, comisión de infraccións, aumento das distraccións, a somnolencia e a fatiga, etc., á parte de diminuír gravemente a percepción do risco e alterar a toma de decisións", destaca o PSOE.