Galicia pide por unanimidade política ao Estado que "axilice" a homologación de títulos sanitarios extracomunitarios

O Parlamento galego aprobou este xoves por unanimidade dos grupos (PP, BNG, PSdeG e Democracia Ourensana) unha iniciativa para pedir ao Goberno central que "axilice" a homologación de títulos de especialistas en Ciencias da Saúde que sexan extracomunitarios. Para iso, segundo o texto proposto polos populares na Comisión de Sanidade, Política Social e Emprego, traballarase "desde o consenso" coas comunidades autónomas e "en plena coordinación" cos sindicatos. A isto suma o "compromiso de garantir a seguridade" e as "condicións de calidade e as esixencias" de titulacións similares que se estenden na Unión Europea, tal e como recolle a proposición non de lei aprobada.

Comisión 5ª, de Sanidade, Política Social e Emprego do Parlamento galego | Fonte: PARLAMENTO GALEGO