Aitor Martínez e Fran Millán, dous galegos finalistas dos XVII Premios Nacionais de Artesanía
Os Premios Nacionais de Artesanía convócanse anualmente co obxectivo de contribuír ao desenvolvemento e á competitividade das pemes do sector artesán, así como incentivar a innovación, o deseño e a súa capacidade de adaptación ao mercado
Por E.P. | SANTIAGO DE COMPOSTELA | 23/10/2024 | Actualizada ás 15:09
Dúas candidaturas galegas optan como finalistas aos XVII Premios Nacionais de Artesanía convocados polo Ministerio de Industria, Comercio e Turismo, a través da Escola de Organización Industrial (EOI) e a súa área de promoción da artesanía, Fundesarte.
Son, en concreto, o tornero de Tomiño, Aitor Martínez, que opta ao premio Produto, e o ebanista Fran Millán, do taller Frouma Atlantic Wood, en Ribeira, que competirá polo Premio Emprendimiento.
Os Premios Nacionais de Artesanía convócanse anualmente co obxectivo de contribuír ao desenvolvemento e á competitividade das pemes do sector artesán, así como incentivar a innovación, o deseño e a súa capacidade de adaptación ao mercado.
Ao mesmo tempo, prémiase ás institucións e empresas que contribuísen de maneira significativa a impulsar o traballo artesán. Constan de cinco categorías, tres delas para proxectos de artesáns -Premio Nacional de Artesanía, Premio Produto e Premio Emprendimiento- e dous que recoñecen o labor de promoción por parte de entidades públicas e privadas.
En total, na edición deste ano participaron 80 candidaturas das que o xurado seleccionou 15 finalistas, tres para cada categoría de premios.
