A precampaña de Nadal incrementa o furtivismo: 80 quilos de marisco procedentes da pesca furtiva en Sanxenxo
Nun operativo do Seprona da Garda Civil, detectáronse nunha zona que se estaba vixiando, ocultas baixo unhas ramas, dous grandes sacos cheos de marisco, concretamente nécoras, centolas e bogavantes.
Por Europa Press / Redacción | PONTEVEDRA | 28/10/2024 | Actualizada ás 14:21
O Seprona da Garda Civil incautou na localidade pontevedresa de Sanxenxo un total de 80 quilos de marisco, principalmente centola, procedentes da pesca furtiva. Con motivo das datas previas á campaña do Nadal, o corpo esta incrementando os operativos contra a pesca furtiva, segundo informou a través dun comunicado.
Nun destes operativos, detectáronse nunha zona que se estaba vixiando ocultas baixo unhas ramas dous grandes sacos cheos de marisco, concretamente nécoras, centolas e bogavantes. Ao atoparse vivos, en colaboración co Servizo Marítimo da Comandancia, devolvéronse ao mar. A zona onde se atopou o marisco, lembra a Garda Civil, é unha zona prohibida de pesca, polo que se podería considerar un delito de furtivismo, ademais dunha infracción grave á normativa de pesca.
